Halla Hrund Logadóttir mælist með 26,2% fylgi í nýrri könnun Maskínu sem framkvæmd var dagana 22.-26. apríl. Halla Hrund bætir við sig rúmum 15 prósentustigum frá síðustu könnun og er nú efst allra frambjóðenda en næst á eftir koma Katrín Jakobsdóttir með 25,4% fylgi og Baldur Þórhallsson með 21,2% fylgi. Ekki er marktækur munur á fylgi Höllu, Katrínar og Baldurs og því ljóst að afar mjótt er á munum á milli efstu frambjóðenda.
Finna má skýrslu með ítarlegum niðurstöðum hér.
Könnunin var lögð fyrir Þjóðgátt Maskínu, sem er þjóðhópur fólks (e. panel) sem dreginn er með tilviljun úr Þjóðskrá, á netinu. Alls voru svarendur 1.072, en þeir eru alls staðar að af landinu og á aldrinum 18 ára og eldri. Gögnin eru vigtuð samkvæmt Þjóðskrá og endurspegla því þjóðina með tilliti til kyns, aldurs, búsetu og menntunar. Könnunin fór fram dagana 22. til 26. apríl 2024.
Í spurningavögnum Maskínu, sem lagðar eru fyrir almenning reglulega, er að finna spurningar um málefni líðandi stundar. Þessar spurningar eru samdar af starfsfólki Maskínu. Niðurstöður eru birtar á heimasíðu Maskínu og einnig sendar á helstu fjölmiðla landsins. Maskína birtir ekki fréttir upp úr könnunum sem unnar eru fyrir aðra eða eru kostaðar af öðrum né sendir út fréttatilkynningar um niðurstöður þeirra.
Notkun á efni af heimasíðu Maskínu er heimil svo fremi sem vísað sé til heimilda og þess sé getið skýrt hver uppruni gagnanna er.
