Ásmundur er mikill talnamaður sem hefur óbilandi áhuga á íþróttum auk þess sem honum finnst fátt skemmtilegra en að leysa verkefni með góðri formúlu-skipun í Excel og SPSS.

Birkir er sannkallaður talnaáhugamaður sem hefur gaman af því að greina gögn og varpa ljósi á það sem skiptir máli hverju sinni. Þegar hann er ekki að kafa í tölur er líklegt að hann sé að fylgjast með spennandi kappleik – hvort sem er úr stúkunni eða heima í sófanum.

Freyju þykir áhugavert að skoða heildarmyndina og hvað rannsóknirnar segja okkur. Best nýtur hún sín á góðum gæðingi við fuglasöng.

Hrafn er mikill listunnandi sem elskar að ferðast, allar íþróttir og að sjóða sig í heitum pottum borgarinnar.

Ingvar hefur brennandi áhuga á íþróttum og eldamennsku og eyðir gjarnan frítíma sínum í að ferðast til framandi landa í eldhúsinu.

Ólafur er svissneski hnífur Maskínu – fjölhæfur, lausnamiðaður og alltaf með réttu verkfærin við höndina. Hann sér heiminn sem eitt stórt hnitakerfi – enda spilar hann badminton, þar sem nákvæmni og taktík ráða ferðinni.

Rakel elskar að stússast í eldhúsinu og borða góðan mat með skemmtilegu fólki. Hún nýtur sín best með prjóna í hönd og rjúkandi góðan kaffibolla á kantinum.

Thelma hefur mikla ástríðu fyrir því að ferðast, sérstaklega til Ítalíu, nýtur þess að stunda góða hreyfingu og fylgist spennt með boltanum um helgar.

Þóra stýrir Maskínunni og hefur gaman af. Hún er bókaormur og leikhúsrotta, lélegur golfari en fyrst og síðast ástríðuhestakelling.