Mánaðarleg Maskínukönnun um fylgi flokkanna á landvísu er komin út. Niðurstöðurnar draga fram dekkri mynd af stöðu ríkisstjórnarflokkanna en áður hefur verið og mælist samanlagt fylgi þeirra 30%.
Fylgi Sjálfstæðisflokksins mælist nú í júnímánuði rétt um 15% og hefur hann aldrei mælst minni samkvæmt Maskínu. Á meðan að fylgi Samfylkingarinnar helst stöðugt í um 27% og mælist munurinn á þessum tveimur flokkum marktækur 16 mánuðinn í röð.
Á sama tíma og fylgi Sjálfstæðisflokksins dregst saman er Miðflokkurinn á siglingu og munar nú aðeins 2 prósentustigum á þessum tveimur flokkum.
Hér má finna ítarlegri niðurstöður í pdf-skýrslu.
Könnunin var lögð fyrir Þjóðgátt Maskínu, sem er þjóðhópur fólks (e. panel) sem dreginn er með tilviljun úr Þjóðskrá, á netinu. Alls voru svarendur 1.846, en þeir eru alls staðar að af landinu og á aldrinum 18 ára og eldri. Gögnin eru vigtuð samkvæmt Þjóðskrá og endurspegla því þjóðina með tilliti til kyns, aldurs, búsetu og menntunar. Könnunin fór fram dagana 31. maí til 20. júní 2024.
Í spurningavögnum Maskínu, sem lagðar eru fyrir almenning reglulega, er að finna spurningar um málefni líðandi stundar. Þessar spurningar eru samdar af starfsfólki Maskínu. Niðurstöður eru birtar á heimasíðu Maskínu og einnig sendar á helstu fjölmiðla landsins. Maskína birtir ekki fréttir upp úr könnunum sem unnar eru fyrir aðra eða eru kostaðar af öðrum né sendir út fréttatilkynningar um niðurstöður þeirra.
Í könnunum Maskínu er þess gætt sérstaklega að úrtök endurspegli fjölbreytileika samfélagsins – svo sem hvað varðar aldursdreifingu, búsetu og menntunarstig. Upplýsingar um dreifingu svarenda eftir ólíkum hópum eru birtar með niðurstöðum hverju sinni svo fjölmiðlar og aðrir notendur geti lagt sjálfstætt mat á gæði mælinganna og hvaða viðhorf þær endurspegla.
Notkun á efni af heimasíðu Maskínu er heimil svo fremi sem vísað sé til heimilda og þess sé getið skýrt hver uppruni gagnanna er.
