Árlega spyr Maskína um skoðun almennings á frammistöðu flokkanna sem eiga sæti á Alþingi. Þar stendur Kristrún Frostadóttir, forsætisráðherra, fremst meðal jafningja en ríflega helmingur aðspurðra segja hana hafa staðið sig vel á kjörtímabilinu. Á eftir henni kemur önnur forystakona úr ríkisstjórninni, Þorgerður Katrín Gunnarsdóttir, og segja 41 % aðspurðra hana hafa staðið sig vel. Ekki er sömu sögu að segja að þriðju Valkyrjuna Ingu Sæland. Aðeins 12% segja hana hafa staðið sig vel og er það lægsta hlutfall meðal allra formannanna. 71% segja Ingu hafa staðið sig illa.
Ítarlegri niðurstöður má finna í pdf-skýrslu hér.
Könnunin var lögð fyrir Þjóðgátt Maskínu, sem er þjóðhópur fólks (e. panel) sem dreginn er með tilviljun úr Þjóðskrá, á netinu. Alls voru svarendur 997, en þeir eru alls staðar að af landinu og á aldrinum 18 ára og eldri. Gögnin eru vigtuð samkvæmt Þjóðskrá og endurspegla því þjóðina með tilliti til kyns, aldurs, búsetu og menntunar.
Könnunin fór fram dagana 2. til 7. október 2026. Í spurningavögnum Maskínu, sem lagðar eru fyrir almenning reglulega, er að finna spurningar um málefni líðandi stundar. Þessar spurningar eru samdar af starfsfólki Maskínu. Niðurstöður eru birtar á heimasíðu Maskínu og einnig sendar á helstu fjölmiðla landsins. Maskína birtir ekki fréttir upp úr könnunum sem unnar eru fyrir aðra eða eru kostaðar af öðrum né sendir út fréttatilkynningar um niðurstöður þeirra.
Í könnunum Maskínu er þess gætt sérstaklega að úrtök endurspegli fjölbreytileika samfélagsins – svo sem hvað varðar aldursdreifingu, búsetu og menntunarstig. Upplýsingar um dreifingu svarenda eftir ólíkum hópum eru birtar með niðurstöðum hverju sinni svo fjölmiðlar og aðrir notendur geti lagt sjálfstætt mat á gæði mælinganna og hvaða viðhorf þær endurspegla.Notkun á efni af heimasíðu Maskínu er heimil svo fremi sem vísað sé til heimilda og þess sé getið skýrt hver uppruni gagnanna er.
