Við spyrjum almenning reglulega í  Almenningsvagni ýmissa spurninga frá mörgum kaupendum.  Spurningarnar eru lagðar fyrir Þjóðgátt Maskínu, en hún  samanstendur af einstaklingum, sem valdir eru með tilviljun úr Þjóðskrá, af öllu landinu sem svara rafrænt (e. panel (þjóðhópur)).

    Hringdu í síma 578 0125

Maskína safnar í Þjóðgáttina með því að hringja í einstaklinga sem valdir eru með slembiaðferð úr Þjóðskrá. Í  Almenningsvagni er um 800 svörum safnað úr Þjóðgáttinni. Niðurstöðurnar eru vigtaðar út frá upplýsingum úr Þjóðskrá með tilliti til kyns, aldurs og búsetu til að niðurstöður endurspegli landsmenn sem best.

Almenningsvagninn er vefkönnun meðal meðlima Þjóðgáttarinnar og Maskína gætir þess að hafa kannanirnar stuttar, þannig að aðeins taki nokkrar mínútur að svara í hvert sinn. Maskína styrkir Styrktarfélag krabbameinssjúkra barna fyrir hvert svar meðlima Þjóðgáttarinnar í vagninum. Að auki fara allir svarendur í lukkupott sem dregið er úr mánaðarlega.

Maskína spyr Þjóðgáttina reglulega um málefni líðandi stundar og birtast niðurstöðurnar hér á heimasíðunni undir FRÉTTIR. Allar spurningar eru greindar eftir bakgrunni, svo sem kyni, aldri, menntun, búsetu og tekjum.

Almenningsvagninn er kjörinn vettvangur fyrir fyrirtæki til að mæla ímynd, traust, þekkingu, vitund og viðhorf Íslendinga til þess eða keppinauta.