Þann 9. janúar síðastliðinn var morgunverðarfundur ÍMARK haldinn í Hörpu undir yfirskriftinni ÍMARK spáin 2014-2015. Á fundinum kynnti Þorlákur Karlsson, rannsóknarstjóri Maskínu, niðurstöður rannsóknarinnar „Hvernig hæfa samfélagsgildi Íslendinga breyttum heimi?“ og bar þær saman við niðurstöður hliðstæðrar rannsóknar sem gerð var meðal ungmenna í Bandaríkjunum.
Í áðurnefndri rannsókn voru þátttakendur meðal annars spurðir: Hversu miklum eða litlum tíma verð þú í að hugsa um félagsleg vandamál þjóðarinnar og heimsins og hvernig mætti leysa þau? Þegar svör íslenskra og bandarískra ungmenna eru borin saman má sjá að þau bandarísku verja meiri tíma í slíkan þankagang en íslensk ungmenni.
Eldri Íslendingar hugsa meira um félagsleg vandamál
Á myndinni hér fyrir neðan eru svör Íslendinga greind eftir kyni og aldri. Þar má sjá að konur verja örlítið meiri tíma en karlar til að hugsa um félagsleg vandamál þjóðarinnar og heimsins auk þess að hugsa um lausnir í þeim efnum. Þá má einnig sjá að eftir því sem Íslendingar eru eldri því meiri tíma verja þeir í sama þankagang.
Svör bandarísku ungmennanna eru niðurstöður rannsóknarinnar „Monitoring the future“ fyrir árið 2013 en hún er framkvæmd árlega af Institute of Social Research, hjá The University of Michigan. Sjö spurningar voru valdar úr rannsókninni til að leggja fyrir slembiúrtak karla og kvenna úr þjóðskrá Íslands á aldrinum 16-75 ára af öllu landinu í desember 2013. Alls voru 727 svarendur.
Svör bandarísku ungmennanna eru niðurstöður rannsóknarinnar „Monitoring the future“ fyrir árið 2013 en hún er framkvæmd árlega af Institute of Social Research, hjá The University of Michigan. Sjö spurningar voru valdar úr rannsókninni til að leggja fyrir slembiúrtak karla og kvenna úr þjóðskrá á aldrinum 16-75 ára af öllu landinu í desember 2013. Alls voru 727 svarendur.
