Borgarviti Maskínu mælir fylgi flokkanna í borginni ásamt ýmsu öðru sem tengist gangi mála í ráðhúsinu og frammistöðu þeirra kjörnu fulltrúa sem þar starfa. Hér birtir Maskína fylgi flokkanna sem hafa boðið fram í borginni. Niðurstöðurnar sýna nokkrar sviptingar þar sem Sjálfstæðisflokkurinn er orðinn stærsti flokkurinn með um 29% fylgi en Samfylkingin 4 prósentustigum minni með 25% fylgi. Viðreisn er að smátt og smátt að sækja í sig veðrið og er nú með rúmlega 14%. Framsóknarflokkurinn mælist áfram minnstur flokkanna með rétt rúmlega 3%. Samanlagt fylgi flokkanna sem mynda meirihluta er nú um 47%.
Hér má nálgast fylgið í Borgarvita Maskínu í heild.
Við munum halda áfram að birta niðurstöður úr Borgarvitanum á næstu dögum.
Könnunin var lögð fyrir Þjóðgátt Maskínu, sem er þjóðhópur fólks (e. panel) sem dreginn er með tilviljun úr Þjóðskrá, á netinu. Alls voru svarendur 1.029, en þeir íbúar Reykjavíkur og á aldrinum 18 ára og eldri. Gögnin eru vigtuð samkvæmt Þjóðskrá og endurspegla því þjóðina með tilliti til kyns, aldurs, búsetu og menntunar. Könnunin fór fram dagana 18. til 25. ágúst 2025.
Í spurningavögnum Maskínu, sem lagðar eru fyrir almenning reglulega, er að finna spurningar um málefni líðandi stundar. Þessar spurningar eru samdar af starfsfólki Maskínu. Niðurstöður eru birtar á heimasíðu Maskínu og einnig sendar á helstu fjölmiðla landsins. Maskína birtir ekki fréttir upp úr könnunum sem unnar eru fyrir aðra eða eru kostaðar af öðrum né sendir út fréttatilkynningar um niðurstöður þeirra.
Í könnunum Maskínu er þess gætt sérstaklega að úrtök endurspegli fjölbreytileika samfélagsins – svo sem hvað varðar aldursdreifingu, búsetu og menntunarstig. Upplýsingar um dreifingu svarenda eftir ólíkum hópum eru birtar með niðurstöðum hverju sinni svo fjölmiðlar og aðrir notendur geti lagt sjálfstætt mat á gæði mælinganna og hvaða viðhorf þær endurspegla.
Notkun á efni af heimasíðu Maskínu er heimil svo fremi sem vísað sé til heimilda og þess sé getið skýrt hver uppruni gagnanna er.
