94% almennings telur útgerðarfélög á Íslandi geti greitt hærri veiðigjöld

Home / Fréttir / 94% almennings telur útgerðarfélög á Íslandi geti greitt hærri veiðigjöld

Atvinnuvegaráðherra hefur lagt fram frumvarp um breytingar á veiðigjöldum sem mun hafa töluverðar hækkanir í för sér. Mikið hefur verið rætt um málið bæði í fjölmiðlum og á kaffistofum landsins og eins og svo oft eru skoðanir skiptar. Maskínu lék forvitni á að vita hver hugur almennings væri í þessu máli og lagði því fyrir þrjár spurningar um málið.

Niðurstöðurnar sýna að yfir 60% svarenda sögðust hlynnt breytingunum en rúmlega 20% andvíg þeim. Þá var einnig spurt um hvort almenningur teldi útgerðarfélög á Íslandi hefðu tök á að greiða hærri veiðigjöld og þar voru niðurstöðurnar mjög afgerandi en aðeins 6% töldu útgerðina ekki geta greitt hærri veiðigjöld. Aðrir töldu útgerðarfélögin ýmist geta greitt miklu hærri, nokkru hærri eða aðeins hærri veiðigjöld.

Ítarlegri niðurstöður er að finna í pdf-skýrslu hér.

 

Könnunin var lögð fyrir Þjóðgátt Maskínu, sem er þjóðhópur fólks (e. panel) sem dreginn er með tilviljun úr Þjóðskrá, á netinu. Alls voru svarendur 981, en þeir eru alls staðar að af landinu og á aldrinum 18 ára og eldri. Gögnin eru vigtuð samkvæmt Þjóðskrá og endurspegla því þjóðina með tilliti til kyns, aldurs, búsetu og menntunar. Könnunin fór fram dagana 27. mars til 3. apríl 2025.

Í spurningavögnum Maskínu, sem lagðar eru fyrir almenning reglulega, er að finna spurningar um málefni líðandi stundar. Þessar spurningar eru samdar af starfsfólki Maskínu. Niðurstöður eru birtar á heimasíðu Maskínu og einnig sendar á helstu fjölmiðla landsins. Maskína birtir ekki fréttir upp úr könnunum sem unnar eru fyrir aðra eða eru kostaðar af öðrum né sendir út fréttatilkynningar um niðurstöður þeirra.

Í könnunum Maskínu er þess gætt sérstaklega að úrtök endurspegli fjölbreytileika samfélagsins – svo sem hvað varðar aldursdreifingu, búsetu og menntunarstig. Upplýsingar um dreifingu svarenda eftir ólíkum hópum eru birtar með niðurstöðum hverju sinni svo fjölmiðlar og aðrir notendur geti lagt sjálfstætt mat á gæði mælinganna og hvaða viðhorf þær endurspegla.

Notkun á efni af heimasíðu Maskínu er heimil svo fremi sem vísað sé til heimilda og þess sé getið skýrt hver uppruni gagnanna er.

Related Posts
maskina.is
Yfirlit

Maskína vekur athygli á að þegar farið er inn á maskina.is vistast vefkökur í tölvu notandans. Vefkökur eru smáar texta­skrár sem greina heim­sókn­ir og geyma kjörstill­ing­ar með það að mark­miði að bæta not­enda­upp­lif­un. Flestir vafrar taka sjálfvirkt við vefkökum. Vilj­ir þú ekki njóta ávinn­ings­ins af vefkökum get­ur þú af­virkjað þenn­an eig­in­leika í vafr­an­um þínum.