Í Fjarumræðuborði Maskínu spyrjum við ítarlegra spurninga um ákveðin málefni og notum til þess netið. Þetta er eigindleg aðferð sem hefur gefist einstaklega vel og hefur þann kost að mun fleiri geta tekið þátt í sömu umræðunni en í rýnihópum, enda stendur umræðan yfir í 2-5 daga. Smelltu hér ef þú vilt að við höfum samband og segjum þér meira um Fjarumræðuborð Maskínu.

    Hringdu í síma 578 0125

Fjarumræðuborðið er umræðuhópur á netinu og frábær vettvangur til að eiga samtal við markhópa, viðskiptavini, starfsmenn o.s.frv. Fjarumræðuborðið er í formi spjallborðs þar sem Maskína hefur yfirumsjón með umræðunum og setur inn spurningar sem þátttakendur geta svarað auk þess að gera athugasemdir hjá hvert öðru.

Þátttakendur í Fjarumræðuborði geta verið allt að 30 í einu og eru þeir valdir eftir tegund verkefnis. Venjulega stendur Fjarumræðuborð yfir í 2-5 daga og setur Maskína spurningar inn jafnan tvisvar á dag. Þátttakendur svara svo spurningunum þegar þeim hentar og gjarnan undir dulnefni.

Kostir Fjarumræðuborðsins eru þeir að þátttakendur geta svarað spurningunum hvar sem þeir eru staddir og hvenær sem er á meðan umræðurnar standa yfir. Þegar svarað er rafrænt eru minni líkur á að fólk verði fyrir áhrifum af öðrum þátttakendum og allir eiga því sama tækifæri á að koma sínum sjónarmiðum á framfæri.

Viðskiptavinir fá tækifæri til að fylgjast með umræðunum þegar þær fara fram. Niðurstöðum er skilað í  skýrslu þar sem aðalatriði umræðnanna eru dregin fram en einnig er handriti af öllu sem sagt er í umræðunum skilað.